نفرين مضغوط

* لو سمحت نفرين مضعوط

* لحم أو دجاج

* دجاج... هو احد قادر اليوم يأكل لحم غيرهم؟

* مين غيرهم؟

* اللي يأكلون لحوم الناس... عندك أسئلة ثانية؟!

* سلامتك. غني يموت... فقير يموت... تفضل المضغوط.

* ناوله عشرين ريالاً 10+10

* ياسيد. غير هذه العشرة. ركنها مقطوع

* الله يقطع رقبتك. الرقم واضح والصورة واضحة والسيفيين والنخلة واضحة. بعدين أنا أعطوني العشرة في المحطة أو البقالة أو الفوال. أخذتها ومسكت الباب. اشمعنى انت يعني الحريص.

* كفيل ما يقبل.

* فين الكفيل.

* ما أدري.. أنا ما في شوف إثنين سنة. بس ولد يجي شيل فلوس كل شهر.

* ما هي سايبة. هذه عشرة ثانية فيها شي؟!

* يغادر... سعيداً بكبسة دجاج. هو مضغوط من كل النواحي. ولا أجد سبباً لطلبه كبسة ضغط. ينظر إلي... إنت ؟!... نعم هلا يا أستاذ الله أكبر. أنا أدور عليك من زمان... تحت امرك... إلا فوق راسي... شوف يا أستاذ تقدر تكتب عني... أحاول... أكيد زيي كثير بس... المسألة زادت... يقولوا 246 ألف وظيفة. شي بالإنترنت. شي تروح له شيء تنتظره. المهم قدمت فيها كلها ولا وحدة صابت، تعرف أحد في ديوان الخدمة، ديوان المظالم، ديوان أبو عمار، ديوان الجماعة.

* أعرف الدواوين بس تعرف أنت أحد فيها؟! ضحك وضحكت... وكل واحد أخذ ضغطه وراح .